Shveysariyada dunyodagi eng murakkab mexanizmga ega soat yaratildi (video)

Shveysariyaning Vacheron Constantin kompaniyasi dunyodagi eng murakkab mexanizmga ega soat yaratdi. Buning uchun sakkiz yil vaqt ketdi, deya xabar beradi “Korrespondent.net”.

Foto: “Korrespondent.net”

Yangilik Reference 57260 deya nomlangani bejiz emas — soat 57 ta qiyin vazifani bajara oladi va 2826 ta detalldan tashkil topgan. U xususiy kolleksiya uchun buyurtma asosida tayyorlangan. Mexanizmning murakkabligi buyurtma xususiyati bilan bog‘liq: kolleksioner soat kechki 10 dan ertalabgi 8 gacha umuman ovoz chiqarmasligini so‘ragan, siferblatda esa kun va tun indikatorlari, osmon diagrammalari, kalendar va boshqa ko‘rsatkichlar bo‘lishi kerak edi.
Vacheron Constantin ustalarining aytishicha, ularning mahsuloti 33 ta vazifani bajargan 1989-yilgi Patek Phillipe soati rekordini yangilagan. Korpusi 18 probali tilladan tayyorlangan bu mo‘jizaning narxi 10 million dollarga baholanmoqda.




Batafsil | Подробно | Read more... Daryo