Toshkentdagi “Fleshka” savdo majmuasida Android One smartfoni 750 ming so‘mdan sotila boshladi

Toshkentning “Fleshka” savdo majmuasida Android One smartfoni sotuvga chiqdi, deya xabar bermoqda “Mobinfo.uz”.

Foto: “Mobinfo.uz”

Qurilmani majmuadagi turli do‘konlarda 750—800 ming so‘mga xarid qilish mumkin. Nashr ta’kidlashicha, poytaxtdagi Mediapark savdo markazida xuddi shu smartfon 944 ming so‘mga taklif qilinmoqda.
Eslatib o‘tamiz, Google va General Mobile kompaniyalarining birgalikdagi mahsuloti 6-oktabr kuni Toshkentda taqdim etilgani xabar berilgan edi .
Yangi uskunaning asosida 64 bitli, to‘rtta ARM Cortex A53 yadrolari va Adreno 306 Qualcomm grafik kontrolleriga ega Snapdragon 410 protsessori yotadi. Tezkor xotira hajmi 2 Gb, flesh-modul hajmi — 16 Gb. Smartfon Android 5.1.1 Lollipop operatsion tizimida ishlaydi, ta’minotning ikki yil davomida yangilanib borilishi kafolatlanadi, shuningdek, LTE avlodi mobil tarmoqlaridagi ishni qo‘llab-quvvatlaydi.
Apparat 5 dyuymli sensorli 1280×720 pikselli displeyga ega bo‘ldi. Smartfon ekrani Gorilla Glass 4 oynasi bilan zarar ko‘rishdan himoyalangan. Uskunaning old qismida videoqo‘ng‘iroqlar va selfi uchun 5 megapikselli kamera o‘rnatilgan; asosiy kameraning hajmi 13 megapikselni tashkil qiladi.
Batafsil | Подробно | Read more... Daryo