Obama: Yaqin Sharqda Rossiyaning Suriyadan boshqa ittifoqchisi yo‘q

Suriya Rossiyaning Yaqin Sharqdagi yagona ittifoqchisidir. Bu haqda, “Exo Moskvi” xabariga ko‘ra , AQSh prezidenti Barak Obama CBS News telekanaliga bergan intervyusida aytib o‘tdi.

Foto: Reuters

Obamaning qo‘shimcha qilishicha, Rossiya o‘z hamkoriga yordam berish maqsadida Suriya nizosiga qo‘shildi. “Rossiya Suriyadagi urushni deb o‘z iqtisodiyotini buzmoqda”, — dedi AQSh prezidenti.
“Suriya Rossiyaning mintaqadagi yagona ittifoqchisi edi. Bugun esa hech bo‘lmasa Suriyadagi o‘zining yagona bazasini saqlab qolish o‘rniga, janob Putin yagona ittifoqchisining mavqeini mustahkamlash maqsadida o‘z qo‘shinlari, o‘z harbiy kuchlarini taqdim etmoqda”, — dedi Obama.
“Agar siz birgina ittifoqchini qo‘llab-quvvatlash maqsadida iqtisodiyotni vayron qilib, qo‘shinlarni yuborish yetakchilik belgisi deb hisoblasangiz, u holda yetakchilikni tushunish borasidagi qarashlarimiz turlicha ekan”, — deya qo‘shimcha qildi AQSh yetakchisi.
Obamaning fikricha, Rossiyaning Suriyadagi nizoda qatnashayotgani Amerika prezidentini obro‘sizlantira olmaydi.
Batafsil | Подробно | Read more... Daryo