Fransuzlarning 65 foizi Fransua Fiyonning saylovda qatnashishiga qarshi chiqdi

Fransuz saylovchilarining uchdan ikki qismiga yaqini Respublikachilardan nomzod Fransua Fiyon prezidentlik saylovlarida qatnashmasligi tarafdori. Bu haqda Fransiya jamoatchilik fikrini o‘rganish instituti tomonidan o‘tkazilgan so‘rovnoma natijalariga tayanib, Reuters agentligi xabar bermoqda, deb yozadi “TASS”.

Foto: EPA

So‘rovnoma natijalariga ko‘ra, ishtirokchilarning 65 foizi Fiyon o‘z nomzodini saylovlardan olishini istamoqda. Shu bilan birga Respublikachilar partiyasini qo‘llab-quvvatlovchilarning 70 foizi uning prezidentlik poygasidagi ishtiroki tarafdoridir.
17—18-fevral kunlari o‘tkazilgan so‘rovnomada mingdan ortiq odam ishtirok etdi.
Fiyonning soxta ish o‘rinlari yaratish yo‘li bilan davlat mablag‘larini o‘g‘irlaganlik ehtimoli bilan bog‘liq majaro Le Canard enchaîné nashrining bir qator maqolalaridan so‘ng yuzaga keldi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo