Boliviya prezidenti iqlim o‘zgarishida badavlat mamlakatlarni aybladi

Boliviya prezidenti Evo Moralesning ma’lum qilishicha, shimoliy yarim sharning badavlat mamlakatlari janub mamlakatlari hayotiga ta’sir qilayotgan iqlim o‘zgarishiga ko‘p jihatdan javobgardir. Bu haqda “Korrespondent.net” xabar bermoqda .

Foto: “Korrespondent.net”

Boliviyada tashkil etilgan konferensiyada butun jahondan kelgan delegatlar va amaldorlar oldida chiqish qilarkan, Morales shimol mamlakatlari iqlim o‘zgarishiga qarshi kurashda qashshoq mamlakatlarga yordam berishdan ko‘ra harbiy hujumlarga ko‘proq pul sarflashda davom etayotganini qayd etib o‘tdi.
Bundan tashqari, Boliviya prezidenti yangi xalqaro sud tashkil etishni va unga iqlim o‘zgarishi muammosi ustida ishlashdan bosh tortayotgan mamlakatlarni sud qilish vakolatini taqdim etishni taklif qildi.
Boliviyadagi konferensiya Peru poytaxti Limada tashkil etilgan Xalqaro valyuta jamg‘armasi va Jahon banki guruhi kengashlarining yillik majlislari so‘nggi kunlarida boshlandi.
Har ikkala tadbir BMTning dekabrda Fransiyada bo‘ladigan konferensiyasi arafasida iqlim o‘zgarishiga qarshi kurash uchun xayriya pullarini to‘plashga qaratilgan.
Batafsil | Подробно | Read more... Daryo