Ўзбекистон миллий терма жамоасининг Тошкентдаги йиғини бошланди

Самвел Бабаян бошчилигидаги Ўзбекистон миллий терма жамоаси 27 август куни Тошкентдаги йиғинини бошлади, деб хабар беради «Uff.uz».

Фото: uff.uz

Йиғинга 30 нафар футболчи жалб этилган. Бироқ йиғиннинг дастлабки кунида барча легионер футболчилар ҳам қатнаша олмади. Хорижда фаолият юритаётганлардан фақат Қозоғистоннинг «Ордабаси» клуби аъзоси Александр Гейнрих ва Хитойнинг «Чангчун Ятай» жамоаси ҳимоячиси Анзур Исмоилов етиб келди. Йиғиннинг дастлабки кунидаги машғулотларнинг илк 15 дақиқаси ОАВ вакиллари учун очиқ бўлди.
Самвел Бабаян бошчилигидаги терма жамоа ушбу мураббийнинг мамлакат бош жамоаси билан илк расмий учрашувига тайёргарлик кўрмоқда. Бабаяннинг терма жамоа мураббийи сифатида илк расмий ўйини 3 сентябрь куни Тошкентдаги «Пахтакор» стадионида бўлиб ўтади. Жаҳон чемпионати-2018 иккинчи саралаш босқичи 3-тур ўйинлари доирасида Ўзбекистон Яман терма жамоасига қарши майдонга тушади.
Batafsil | Подробно | Read more... Daryo