Amerikalik ayolning iPhone 7 Plus smartfoni portlab ketdi (video)

AQShning Arizona shtatida yashovchi Brianna Olivas ismli ayol o‘zining iPhone 7 Plus smartfoni portlab ketganini ma’lum qildi, deb yozadi Meduza. U Twitter’ga joylagan videoda tutab turgan iPhone’ning korpusi erib ketganini ko‘rish mumkin.

Skrinshot: Twitter / @briannaolivas_

“iPhone 7 Plus telefonim bugun ertalab portlab ketdi. Men undan o‘sha vaqtda hatto foydalanmayotgan ham edim, buning hech qanday sababi yo‘q”, — deb yozdi u.
Olivasning so‘zlariga ko‘ra, bir kun avval iPhone yonmay qolgan edi. Apple ko‘mak xizmatidagilar smartfonni sinovdan o‘tkazib ko‘rib, hammasi joyida ekanligini aytgan; shundan so‘ng u bir qancha vaqt yaxshi ishlagan.
Olivas hodisa sabablarini aniqlash uchun smartfonni Apple’ga topshirdi.
The Guardian yozishicha, bungacha iPhone 7’ning portlashi bilan bog‘liq kamida bitta holat haqida ma’lum edi — bu o‘tgan yilning oktabr oyida Avstraliyada kuzatilgandi.
So my IPhone 7 plus blew up this morning ? was not even using it, literally no explanation for this pic.twitter.com/sQ8CJt4Y69
— Bree✨ (@briannaolivas_) February 23, 2017

Batafsil | Подробно | Read more... Daryo