“Oskar-2017”: bepul shirinliklar, mamnun Jeki Chan va o‘ng‘aysiz xotima (foto va video)

Los-Anjeles shahridagi Dolby kinoteatrida “Oskar” mukofotlarini topshirish marosimi boshlanishidan ikki soat avval mashhurlar qizil yo‘lakcha bo‘ylab o‘ta boshladi.
Qizil yo‘lakcha
Ushbu an’anaviy tadbir bu yil syurprizlarsiz kechdi: boshlovchilar ular bilan bo‘lg‘usi marosimni muhokama qildi, shuningdek eng yorqin liboslarga baho berildi, deb yozadi TJournal.

Maykl Jey Foks. Foto: TJournal


Nikol Kidman. Foto: TJournal


Endryu Garfild. Foto: TJournal


Eng yaxshi aktyor Keysi Afflek. Foto: TJournal


Meril Strip. Foto: TJournal


Oktavia Spenser. Foto: TJournal


Xolli Berri. Foto: TJournal


Skarlett Yoxansson. Foto: TJournal


Eng yaxshi aktrisa Emma Stoun. Foto: TJournal


Jeki Chan. Foto: TJournal

Donald Tramp va boshqalar
Boshlovchi Jimmi Kimmel boshidanoq Donald Tramp borasida bir necha marta hazil qildi. Hatto, u Twitter’dagi sahifasi orqali AQSh prezidenti Donald Trampga xabar yuborib , undan “Oskar”ni ko‘rayotgan yoki ko‘rmayotganligi haqida so‘radi.
“Chet tilidagi eng yaxshi film” yo‘nalishida esa AQSh prezidenti Donald Trampning immigratsiya farmonlariga noroziligi tufayli marosimga kelishdan bosh tortgan eronlik rejissor Asqar Farhodiyning “Kommivoyajer” kartinasi g‘olib bo‘ldi .
Trampni butun marosim davomida tilga olishdi — ayniqsa, boshqa mamlakatlardan tashrif buyurganlar Meksika bilan chegarada qurilayotgan devorni nazarda tutib, “bizni ajratuvchi devor” haqida gapirdi.
Desant shirinliklar
Mashhurlar biroz ochiqqanida, ularni popkorn va konfetlar bilan siylashdi, yeguliklar esa tepadan mitti parashyutlarda tushdi.
It's raining candy at the #Oscars pic.twitter.com/t8nOTErcxK
— Variety (@Variety) February 27, 2017

Jeki Chan va Faxriy “Oskar”

Foto: Twitter / @moviememories

Marosimda Jeki Changa faxriy “Oskar” mukofotini topshirishdi. Aslida mukofot unga 2016-yil noyabridayoq berilgan edi, endi esa xitoylik aktyorning butun dunyo kinematografiga qo‘shgan hissasini esga olib, unga yana bir marta haykalchani topshirishdi.
Kelajakka qaytib

Foto: Twitter / @collider

Qaysidir lahzada “Kelajakka qaytib” trilogiyasinini qanchalik yaxshi ko‘rishi haqida gapirib berishga qaror qilgan aktyor Set Rogen paydo bo‘ldi. U bilan birga sahnaga filmda Marti Makflay rolini o‘ynagan Maykl Jey Foks ham chiqdi, ular birgalikda o‘sha mashhur “DeLorean” avtomobilidan tushib keldi.
Bundan tashqari, Rogen trilogiyaning ikkinchi qismidagi bog‘ichi mustaqil bog‘lanuvchi krossovkani kiyib olgan edi.
those DeLorean doors are tricky #Oscars pic.twitter.com/nikdxrcd54
— The Daily Dot (@dailydot) February 27, 2017

Yakundagi chalkashlik
Sahnadan “Eng yaxshi film” nominatsiyasida “La-La Lend” g‘olib bo‘lgani haqida e’lon qilingach, kartina prodyuseri mikrofon qarshisiga kelib, xatolik yuz berganini aytdi. Ma’lum bo‘lishicha, tashkilotchilar konvertlarni chalkashtirib yuborgan, va aslida esa eng yaxshi kartina deya “Oy shu’lasi” e’tirof etilgan.
'La La Land' producer: "There's a mistake. 'Moonlight', you guys won Best Picture. This is not a joke." #Oscars pic.twitter.com/vl9PzgBaVW
— Hollywood Reporter (@THR) February 27, 2017

G‘oliblar
“La-La Lend” filmi qo‘lga kiritilgan mukofotlar bo‘yicha rekord o‘rnata olmagan bo‘lsa-da, bir yo‘la oltita mukofotga sazovor bo‘ldi .
G‘oliblarning to‘liq ro‘yxati bilan ham tanishing.
Batafsil | Подробно | Read more... Daryo