Gretsiyada multimillionerning o‘g‘li avtohalokat qurboni bo‘ldi (video)

Gretsiyada multimillioner, Jumbo supermarketlar tarmog‘i egasining o‘g‘li Yorgos Vakakis boshqaruvida bo‘lgan Porsche katta tezlikda avtoturargohda turgan Honda’ga kelib urildi. Bu haqda Proto thema xabar bermoqda . 

Foto: Proto thema

Yo‘l-transport hodisasi 26-fevral, yakshanba kuni tushdan so‘ng Afina — Lamiya avtomagistralida ro‘y berdi. Dastlabki ma’lumotlarga ko‘ra, Porsche haydovchisi boshqaruvni uddalay olmagan va yo‘ldan chiqib ketgan.



Ikki avtomobil to‘qnashuv oqibatida yonib ketdi. Honda salonida bo‘lgan 33 yoshli ayol va bola, shuningdek, Vakakisning o‘zi va do‘sti avtohalokat qurboni bo‘ldi.
Yorgos Vakakis bir necha kun avval AQShdagi o‘zi tahsil olayotgan universitetdan Gretsiyaga ta’tilga kelgan va do‘sti bilan Delfi shahriga yo‘l olgandi. U otasining Janubiy Yevropa mamlakatlarida 80 dan ortiq do‘konlarga ega bo‘lgan Jumbo kompaniyasidagi vorisi sanalardi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo