Britaniya hukumati Rossiya samolyotlariga qarata o‘t ochish buyrug‘i haqidagi xabarlarni rad etdi

Buyuk Britaniya mudofaa vazirligi OAVlarning IShIDga qarshi operatsiyalarda qatnashayotgan britaniyalik uchuvchilarning Rossiya harbiy samolyotlariga hujum qilishiga ruxsat berilgani haqidagi xabarlarini rad etdi, deb yozadi “Gazeta.ru”.

Foto: “TASS”

“Bu xabarlar haqiqatga to‘g‘ri kelmaydi”, — deya OAVlardagi axborotni izohladi mamlakat mudofaa vazirligi rasmiy vakili.
Eslatib o‘tamiz, Londonning Daily Star gazetasi Birlashgan Qirollik mudofaa vazirligidagi manbalariga tayanib, NATO mamlakatlari uchuvchilari, shu jumladan, ko‘p nishonli “Tornado” qiruvchi samolyotlarini boshqaruvchi Britaniya harbiy uchuvchilariga Iroq havo hududida “hayotlari uchun xavf” tug‘ilganida Rossiya harbiy samolyotlariga hujum qilish huquqi berilgani haqida  yozgan edi .
Keyinroq Rossiyaning Buyuk Britaniyadagi elchisi Aleksandr Yakovenko Birlashgan Qirollik TIVga murojaat qilib, mahalliy OAVlarda IShIDga qarshi operatsiyalarda qatnashayotgan britaniyalik uchuvchilarning Rossiya harbiy samolyotlariga hujum qilishiga ruxsat berilgani haqida paydo bo‘lgan ma’lumotni izohlashni talab qilgan edi .
Batafsil | Подробно | Read more... Daryo