Rustam Qosimjonov rapid bo‘yicha JChda mag‘lubiyatsiz ishtirok etmoqda

Germaniyaning Berlin shahrida rapid bo‘yicha o‘tkazilayotgan jahon chempionatida shaxmat bo‘yicha jahonning 17-chempioni Rustam Qosimjonov ikkinchi kuni bo‘lib o‘tgan beshta partiyaning barchasida durang natijani qayd etdi. Bu haqda O‘zbekiston Milliy olimpiya qo‘mitasi matbuot xizmati xabar bermoqda .

Foto: O‘zbekiston Milliy olimpiya qo‘mitasi matbuot xizmati

Jumladan, Ngog Nguyen (Vyetnam, 2743), Levon Aranyan (Armaniston, 2830), Aleksandr Rezansev (Rossiya, 2716), Pyotr Svidler (Rossiya, 2735) va Ernesto Inarkiyev (Rossiya, 2733) kabi grossmeysterlar bilan kechgan uchrashuvlarda Rustam Qosimjonov durangga imzo chekdi.
Birinchi kungi bahslarda Rustam Qosimjonov uch partiyada g‘alaba qozonib, ikki uchrashuvda durang natija qayd etgan edi.
Shu tariqa, ikki kunlik musobaqalar yakuniga ko‘ra, Rustam Qosimjonov hisobida 6,5 ochko mavjud va u musobaqa peshqadami Magnus Karlsen (Norvegiya, 2847)dan 1,5 ochko ortda bormoqda.
Batafsil | Подробно | Read more... Daryo