Jurnalist ayol bir yil davomida faqat eng zarur narsalarni sotib olib, 23000 dollar tejab qoldi

Moliya jurnalisti sifatida 10 yil ishlagan Mishel MakGo shu vaqt ichida o‘z budjetini qiyinchilik bilan rejalashtirishga muvaffaq bo‘ldi. U odamlarga qanday qilib tejash haqida gapirish, biroq bo‘lmag‘ur narsalarga pul sarflashni adolatsizlik deb hisobladi. Bu haqda The Guardian nashriga tayanib, AdMe nashri xabar berdi .

Foto: The Guardian

Jurnalist tajriba o‘tkazishga qaror qildi: bir yil davomida faqat eng zarur narsalarni sotib oldi. U o‘z kiyim javonida bor kiyimlarni kiydi, velosipedda yurdi, faqat uyda pishirilgan ovqatlarni yedi. Shu tariqa 23000 dollar tejashga muvaffaq bo‘ldi.
Mishel bir yil ichida eng zarur ehtiyojlar uchun xarajatlarni saqlab qolgan, bir qator xarajatlardan voz kechgan. Voz kechilgan ehtiyojlar o‘rnini qoplash uchun turli yo‘llar o‘ylab topgan.
Saqlab qolingan xarajatlar

Ipoteka, kommunal xizmatlar, salomatlik sug‘urtasi, ota-onasiga yordam, mehribonchilik to‘lovlari, internet va uyali telefon. Bularning barchasiga bir oyda 2000 dollarga yaqin xarajat qilingan.
Eng zarur kosmetika vositalari: shampun, tish pastasi, dezodorant va h.k., uy uchun yuvish vositalari. Ovqat tayyorlash uchun zarur mahsulotlarga xarajat. Hammasi bo‘lib bir haftada 35 dollardan kamroq sarf qilingan.


Foto: AdMe

  Voz kechilgan xarajatlar

Ko‘ngilxushlik va hordiq chiqarish: kinoga borish, bar va restoranlarda o‘tirish, ovqat buyurtma qilish, kofe sotib olish, ta’tildagi sayohat. Supermarketlardagi har qanday shirinliklar.
Fitness markazi xarajatlari.
Yangi kiyim, atir, bezovchi kosmetik vositalar, sartaroshxonada soch turmaklatish.
Transport xarajatlari – taksi, avtobus chiptalari,, metro va boshqalar.


Foto: AdMe

  Voz kechilgan ehtiyojlar o‘rnini to‘ldirish uchun amalga oshirilgan ishlar

Hamma joyga velosipedda borish – ishga, uchrashuvga, hatto shahar tashqarisiga ham.
Xiyobonlarda tamaddi qilish, chodir bilan sayohat qilish, bepul ko‘rgazma va konsertlar izlash.
Eng oddiy uyda pishirilgan ovqatlarni tanovul qilish.
Sport bilan uyda shug‘ullanish (velosipedda yurish mashg‘ulotlar asosiy qismi o‘rnini bosgan).


Foto: AdMe

 “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo