O‘zbekistonlik imomlarning Rossiyaga safari nihoyasiga yetdi

Rossiya federatsiyasi Sverdlovsk viloyati muftiysi Abdul-Quddus (Nikolay) Asharin taklifiga ko‘ra, 2—7-oktabr kunlari O‘zbekiston musulmonlari idorasi delegatsiyasi Yekaterinburg shahrida safarda bo‘ldi, deb xabar beradi O‘zbekiston musulmonlari idorasi matbuot xizmati.

Foto: O‘zbekiston musulmonlari idorasi matbuot xizmati

O‘zbekistonlik imomlar (Ibrohim Inomov, Jasur Raupov, Odilxon Ismoilov, Baxrom Otajonov) tashrif rejasidan o‘rin olgan barcha tadbirlar va muloqotlarda faol ishtirok etdi .
Tashrif yakunida Rossiya federatsiyasi Sverdlovsk viloyati muftiyoti tomonidan tadbirlardagi munosib ishtiroki va samarali hamkorlik uchun O‘zbekiston rahbariyati va Muftiyotiga, shuningdek, delegatsiya a’zolariga chuqur minnatdorlik bildirildi.
“Umid qilamizki, kelgusida o‘zaro aloqalar yanada rivojlanib, munosabatlarimiz mustahkamlanib boraveradi”, — deydi Sverdlovsk viloyati muftiysi Abdul-Quddus (Nikolay) Asharin.
O‘zbekiston musulmonlari idorasi delegatsiyasi O‘zbekistonga qaytib keldi.
Batafsil | Подробно | Read more... Daryo