NATO Suriyaga alyans qo‘shinlarini kiritish rejasi yo‘qligini ma’lum qildi

NATO rahbariyati Suriyaga alyans kuchlarini kiritishni rejalashtirayotgani yo‘q. Bu haqda NATO bosh kotibi Yens Stoltenberg ma’lum qildi, deb xabar beradi “RBK”.

Foto: Getty Images

“NATOda, alyans sifatida, Suriyaga kirish rejasi yo‘q”, — dedi tashkilot bosh kotibi Norvegiyada bo‘lib o‘tgan NATO parlament assambleyasida.
Bundan tashqari, Stoltenbergning qayd etishicha, Rossiya tomonidan Suriya prezidenti Bashar Asadga ko‘rsatilayotgan yordam mintaqadagi mazkur nizoning yanada cho‘zilishiga sabab bo‘ladi.
NATO bosh kotibining so‘zlariga ko‘ra, Rossiya o‘z e’tiborini Suriya yetakchisini qo‘llab-quvvatlashga emas, balki “Iroq va Shom islom davlati”ga qarshi kurashga qaratmog‘i lozim.
Batafsil | Подробно | Read more... Daryo