Bashar Asadga qarshi isyonchilar Rossiya harbiy obyektlarida teraktlar uyushtirish bilan tahdid qildi

Suriyalik isyonchilar Rossiyaning Suriyadagi harakatlaridan boxabar bo‘lish va Rossiya harbiy obyektlarida teraktlar uyushtirish maqsadida Suriya hukumat kuchlari safiga qo‘shilishni rejalashtirmoqda. Bu haqda, “Interfaks” xabariga ko‘ra , Bashar Asadga qarshi kurashuvchi “Xomsni ozod etish harakati” vakili Rashid al-Xuraniy ma’lum qildi.

Foto: The Telegraph

“Dastlab biz havo zarbalariga chidab beramiz, so‘ng Rossiyani imkoni bor barcha yo‘l bilan, xususan, ruslarning harakatlari haqida ma’lumot olish uchun Suriya armiyasi safiga o‘z agentlarimizni kiritish yo‘li bilan kuchsizlantiramiz”, — dedi AQSh tomonidan qo‘llab-quvvatlanadigan muxolifatdagi Ozod Suriya armiyasi bo‘linmalaridan birining vakili.
“Al-Qoida” terrorchilik tashkiloti bilan ham yaqin aloqada bo‘lgan “Xomsni ozod qilish harakati” vakilining qayd etishicha, Rossiyaga qarshi operatsiyalarga “maxsus tayyorlangan terrorchi-kamikadzelar jalb etiladi”. Al-Xuraniyning qayd etishicha, uning harakati AQSh bilan ittifoqchilik aloqalarini o‘rnatishni istaydi. “Hozircha AQSh bilan aloqalarimiz yo‘q, biroq ular bizga ham qurol yetkazish bilan yordam bersa bo‘lardi”, — dedi harakat vakili.
Batafsil | Подробно | Read more... Daryo