“PSJ” bilan o‘yin oldidan repetitsiya muvaffaqiyatli o‘tib, “Barselona” 5:0 hisobida zafar quchdi

Ispaniya La ligasining 26-turidan joy olgan beshta uchrashuv o‘z yakuniga yetib ulgurdi. Shularning 4 tasi 4-mart kuni bo‘lib o‘tdi.
Ligada peshqadam bo‘lib turgan “Barselona” o‘z maydonida “Selta”ni qabul qilib, 5:0 hisobida muvaffaqiyat qozondi. 8-mart kuni Chempionlar ligasi doirasida “PSJ” klubini qabul qiladigan Kataloniya klubi shu hisobni takrorlay olsa, chorak final yo‘llanmasini qo‘lga kiritadi.



Zaxirasida bitta o‘yini bor bo‘lgan Madridning “Real” klubi “Barselona”dan 1 ochko kamroq jamg‘argan. Kecha Zidan jamoasi “Eybar” maydonida yirik g‘alabani qo‘lga kiritdi — 4:1. Krishtianu Ronaldu, Garet Beyl kabi yetakchi futbolchilar maydonga tushmagan bo‘lsa-da, “Qirollik klubi” o‘ziga bildirilgan ishonchni oqlay oldi.



Ispaniya La ligasi
26-tur
4-mart, shanba
“Leganes” — “Granada” 1:0
Gol: Darvin Machis, 83 (1:0).
“Eybar” — “Real Madrid” 1:4
Gollar: Karim Benzema, 14 (0:1). Karim Benzema, 25 (0:2). Xames Rodriges, 29 (0:3). Marko Asensio, 60 (0:4). Ruben Penya, 72 (1:4).
“Vilyarreal” — “Espanyol” 2:0
Gollar: Roberto Soriano, 45 (1:0). Diyego Lopes, 80-avt (2:0).
“Barselona” — “Selta” 5:0
Gollar: Lionel Messi, 24 (1:0). Neymar, 40 (2:0). Ivan Rakitich, 57 (3:0). Samuel Yumtiti, 61 (4:0). Lionel Messi, 64 (5:0).

Foto: Livescore.in

Batafsil | Подробно | Read more... Daryo