“Arsenal” — “Bavariya” 1:5. O‘zgarishga yuz tutayotgan tarix. Venger boshqaruvidagi issiqqina antirekordlar

Londonning “Arsenal” klubi Chempionlar ligasi nimchorak finalining ilk uchrashuvini 1:5 hisobida boy bergach, “to‘pchilar”ning keyingi bosqichga yo‘l olishiga ko‘pchilik ishonmayotgandi. Biroq takroriy o‘yinda ham shu hisobning qayd etilishi haqiqiy kutilmagan hol bo‘ldi.

Foto: Getty Images

“Arsenal”
“Arsenal”ning yevrokuboklardagi eng yirik uy mag‘lubiyati 1982-yilda qayd etilgan bo‘lib, londonliklar “Spartak”dan 2:5 hisobida yengilgandi. 2017-yilga kelib esa klub eng yirik mag‘lubiyatini tarixga yozdi — 1:5.
Angliya klublarining yevrokuboklar pley-offidagi eng yomon natijasi ham endi “Arsenal”ga tegishli. 1960-yil “Vulverhempton” ikki o‘yin natijasiga ko‘ra “Barselona”dan 2:9 hisobida yengilgandi. 2017-yilga kelib esa “Arsenal” umumiy hisobda 2:10 natijasini qayd etdi.

Foto: Getty Images

“Arsenal” chetlatishlar soni bo‘yicha Chempionlar ligasining ikkinchi raqamli jamoasiga aylanib oldi. Shu kunga qadar “Arsenal” va “Bavariya”ning 17 nafar a’zosi maydondan chetlatilgandi. Londonliklar bu borada raqibdan o‘zib ketdi. Eng ko‘p bor “Yuventus” futbolchilari qizil kartochka ishlab olgan — 22 marta.
1:5 — bu so‘nggi 20 yillikdagi eng yirik uy mag‘lubiyati bo‘ldi “Arsenal” uchun. 1998-yil Angliya kubogida “to‘pchilar” mehmoni bo‘lgan “Chelsi” 5:0 hisobida zafar quchgandi. Bu safar esa “Bavariya” 20 yillik yarani tirnab o‘tdi.
“Arsenal” ketma-ket yettinchi bor 1/8 finaldan uchib ketdi. So‘nggi bor klub 2010-yilgi mavsumda chorak final chiptasini qo‘lga kiritgandi.

Foto: Getty Images

Uchrashuv davomida “Arsenal” muxlislari klubning asosiy aktsioneri hisoblangan Sten Kronkening ketishini istab banner ko‘tardi. “Bizning klubdan yo‘qol va ko‘zimizga ko‘rinma, Sten Kronke”, deb yozilgandi bannerdagi yozuvda.
“Bavariya” fanatlari esa Londondagi chipta narxidan nolib banner ko‘tardi. “London — 64 funt. Myunxen — 59+1 yevro. Pastkashlik chegara bilmaydi”, degan yozuvni ko‘rish mumkin edi. Yana birida esa “Futbol muxlislarsiz bir pens ham turmaydi” deb qo‘yilgandi.

Foto: Getty Images

“Bavariya”
“Bavariya” Londonga tashrifidan keyin turli musobaqalardagi mag‘lubiyatsiz seriyasini 17 ta o‘yinga yetkazib oldi. Klub shularning 15 tasida g‘alaba qozonishning uddasidan chiqa olgandi.

Foto: Getty Images

Gol urish borasida esa “Bavariya” 18 talik ko‘rsatkichga yetib keldi. Klub so‘nggi bor o‘tgan yilning 19-noyabr kuni “Borussiya Dortmund” darvozasiga yo‘l topa olmay, 0:1 hisobida imkoniyatni boy bergandi. Keyingi 18 ta uchrashuvda esa gol ura oldi.

Foto: Getty Images

“Arsenal” darvozasiga gol urgan Aryen Robben gollandiyalik futbolchilarning Chempionlar ligasidagi muvaffaqiyati borasida ikkinchilardan bo‘lib oldi. Uning kabi Patrik Klyuvert hamda Roy Makay ham mazkur turnirda 29 tadan gol urgan. Yaqqol peshqadam bu borada Ruud van Nisterloy — 56 ta gol.

Foto: Getty Images

Batafsil | Подробно | Read more... Daryo