Seul: Pak Kin Xening impichmenti Janubiy Koreyaning KXDR bilan aloqalariga ta’sir qilmaydi

Koreya Respublikasi prezidenti Pak Kin Xening hokimiyatdan uzil-kesil chetlatilishi mamlakatning KXDR bilan aloqalariga ta’sir o‘tkazmaydi. Bu haqda mamlakat birlashuv vazirligining rasmiy vakili ma’lum qildi, deb yozadi “TASS”.

Foto: “Zn.ua”

“Konstitutsiyaviy sud hukmiga qaramay, vazirlik Shimoliy Koreyaga nisbatan hozirgi siyosatni olib borishda davom etadi”, — dedi u.
2013-yilda hokimiyat tepasiga kelgach, Pak Kin Xe KXDR bilan ishonchli munosabatlarni qurish ustida ishlamoqchi ekanligini e’lon qilgan edi. Ammo Pxenyan 2016-yilda ikkita yadro sinovini o‘tkazib, 20 dan ortiq ballistik raketa uchirgach, Koreyalararo aloqalar tarixdagi eng pastki nuqtalardan biriga kelib qoldi.
Eslatib o‘tamiz, Janubiy Koreya Konstitutsiyaviy sudi 2016-yil 9-dekabrda yirik korrupsiya mojarosi fonida mamlakat parlamenti tomonidan prezident Pak Kin Xega nisbatan e’lon qilingan impichmentni tasdiqladi .
Batafsil | Подробно | Read more... Daryo