JCh—2018 saralashi arafasida Son Xyon Mindan xet-trik. “Tottenhem” ham Angliya kubogi yarim finalida

Angliya kubogining yarim finaliga “Arsenal” hamda “Manchester Siti” klublari yo‘l olib, final oldidan o‘zaro raqibga aylangandi. Endi ular yoniga Londonning “Tottenhem” klubi ham qo‘shildi.

Foto: Getty Images

Chorak finalni quyi liga vakili hisoblangan “Milluoll”ga qarshi o‘tkazgan Maurisio Pochettino jamoasi 6:0 hisobida ustun keldi. Gollarning 3 tasiga Janubiy Koreya termasi a’zosi Son Xyon Min mualliflik qildi.



Qayd etish kerak, Janubiy Koreya 23-mart kuni JCh—2018 yo‘lida Marchello Lippi boshchilik qilayotgan Xitoy termasi mehmoni bo‘ladi.
Shu tariqa chorak final doirasida faqatgina 1 ta o‘yin qoldi. Unda “Chelsi” o‘z maydonida “Manchester Yunayted” futbolchilarini qabul qiladi.
Angliya kubogi
Chorak final
12-mart, yakshanba
“Tottenhem” — “Milluoll” 6:0
Gollar: Kristian Eriksen, 31 (1:0). Son Xyon Min, 41 (2:0). Son Xyon Min, 54 (3:0). Dele Alli, 72 (4:0). Vinsent Yanssen, 79 (5:0). Son Xyon Min, 90 (6:0).
Batafsil | Подробно | Read more... Daryo