Denis Istomin Tashkent Challenger’ning juftlik bahslarini g‘alaba bilan boshladi

Toshkentdagi Respublika olimpiya zaxiralari tennis maktabi kortlarida o‘tkazilayotgan Tashkent Challenger musobaqasida asosiy to‘r bahslari boshlandi, deya xabar bermoqda O‘zbekiston Milliy olimpiya qo‘mitasi matbuot xizmati.

Foto: OlamSport

Musobaqaning dastlabki kunida O‘zbekistonning ikkinchi raqamli tennischisi Farrux Do‘stov Bosniya va Gersegovina vakili Aldin Setkichga qarshi kortga chiqib, ikki set yakuniga ko‘ra 6:2, 7:5 hisobida zafar quchgani haqida xabar berilgan edi . Ikkinchi davrada Farrux Do‘stov rossiyalik Konstantin Kravchuk hamda ukrainalik Denis Molchanov juftligi g‘olibi bilan bahs yuritadi.
Birinchi kungi bahslarda, shuningdek, O‘zbekistonning birinchi raqamli tennischisi Denis Istomin belaruslik sherigi Aleksandr Buriy bilan juftlikda rossiyalik Konstantin Kravchuk va moldovalik Denis Malchanov duetini 6:4, 4:6, tay-brekda 10:6 hisobida mag‘lub etdi.
Juftliklar bahsida ishtirok etayotgan yana ikki o‘zbekistonlik — Sanjar Fayziyev va Jo‘rabek Karimov juftligi ham dastlabki bosqchida zafar quchdi — ular ilk uchrashuvda xorvatiyalik Franko Shkugor va Nikola Metkich juftligini 6:3, 6:4 hisobida mag‘lub etdi.
Batafsil | Подробно | Read more... Daryo