Niderlandlar xavfsizlik kengashi: Ukrainada havo kengliklarini yopish uchun yetarlicha asos bo‘lgan

Niderlandlar xavfsizlik kengashi Malayziyaning Boeing samolyoti urib tushirilgan Ukrainaning sharqiy qismida havo kengliklarini yopish uchun yetarlicha asos bo‘lgan, degan xulosaga keldi. Bu haqda “Korrespondent.net” xabar bermoqda .

Foto: Reuters

“Ukrainada 2014-yil 17-iyulga qadar mamlakat sharqiy qismida havo kengligini ehtiyot chorasi sifatida yopish uchun yetarlicha asos bo‘lgan. Biroq tomonlardan hech biri mazkur hudud qurolli mojaro tufayli fuqaro samolyotlari parvozi uchun xatarli ekanligini tan olmagan”, — deyiladi kengash tomonidan tarqatilgan press-relizda.
Kengash rahbari Chibbe Yaustraning ta’kidlashicha, fuqarolik aviatsiyasi bo‘yicha Chikago konvensiyasida davlatlar parvozlarning xavfsiz hududini belgilash uchun mas’ul ekanligi belgilab qo‘yilgan. “Ukraina rasmiylari Donbassda samolyotlarni urib tushirishga qodir qurol borligini ma’lum qilgan, ammo sharqda osmonni yopish to‘g‘risida qaror qabul qilmagan”, deya qo‘shimcha qildi u.
Eslatib o‘tamiz, Niderlandlar xavfsizlik kengashi 13-oktabr, seshanba kuni bo‘lib o‘tgan matbuot anjumanida 2014-yil 17-iyulda Ukrainada halokatga uchragan Boeing yo‘lovchi samolyoti “Buk” zenit-raketa majmuasi yordamida urib tushirilganini e’lon qildi .
Batafsil | Подробно | Read more... Daryo