“Lester” darvozaboni Shmeyxel tarixga kirdi. “Yuventus” hujumchisi Dibala oxirgi 4 ta golini penaltidan urdi

Yevropa Chempionlar ligasining pley-offida “Sevilya”ga qarshi ikki o‘yin o‘tkazgan “Lester” darvozaboni Kasper Shmeyxel ularning har birida bittadan penalti qaytarishga muvaffaq bo‘ldi. Bunga hozircha hech bir darvozabon muvaffaq bo‘la olmagandi.

Foto: Getty Images

Tabiiyki, ikki penaltini ko‘kka sovurgan “Sevilya” turnirni tark etdi . Birinchi uchrashuvda Xoakin Korreya 11 metrlik jarima zarbasini noaniq amalga oshirgan bo‘lsa, ikkinchisida Stiven N’Zonzi Shmeyxel bilan duelda yengildi.
Turinning “Yuventus” klubi esa Chempionlar ligasidagi yurishini davom ettiradigan bo‘ldi . Klub hujumchisi Paulo Dibala “Portu”ga qarshi kechgan javob o‘yinida penaltini aniq amalga oshirdi.

Foto: Getty Images

Bu Dibalaning ketma-ket to‘rtinchi bor penaltidan gol urishi bo‘ldi. Italiya A seriyasining so‘nggi turida “Yuventus” o‘z maydonida “Milan”ni 2:1 hisobida mag‘lub etgandi. Hakam milanliklar darvozasiga 96-daqiqada penalti qo‘yib bergandi.
Italiya kubogida esa “Yuventus” “Napoli” ustidan 3:1 hisobida zafar quchgan. Bellashuvda hakam neapolliklar darvozasiga 2 ta penalti qo‘ygandi.
Batafsil | Подробно | Read more... Daryo