Suriya sanoatiga qurolli mojaro davomida yetkazilgan zarar 100 mlrd dollarga baholandi

Suriyada 6 yildan beri davom etayotgan qurolli mojaro davomida mamlakat sanoatiga 100 milliard dollardan oshiq zarar yetkazildi. Bu haqda Suriya sanoat palatalari uyushmasi raisi Faris ash-Shahobiy ma’lum qildi, deya xabar beradi “RIA Novosti”. 

Foto: “RIA Novosti”

2011-yilda boshlangan “Suriya inqilobi”ning birinchi kunlaridan asosiy zarba sanoat infrastrukturasiga qaratildi. Majburiy ish tashlashlar, talonchiliklar, odamlarni o‘g‘irlash, korxonalar egalari va xodimlarini o‘ldirish… 2012-yilda Alepponing sanoat hududlarini aksari egallab olindi, qator korxonalar yig‘ishtirilib, Turkiyaga olib ketildi. Hozirgacha ularning ko‘pi jangarilar nazorati ostida bo‘lib turibdi.
Faris ash-Shahobiy, Suriya sanoat palatalari uyushmasi raisi
Suriya sanoat palatalari uyushmasi raisiga ko‘ra, yuzaga kelgan vaziyatda tuzilma tomonidan mamlakatda ishlab chiqarishni avvalgi darajaga chiqarish bo‘yicha qator tashabbuslar ilgari surildi. Ular asosan vayron etilgan sanoat zonalarini tiklash, shuningdek, maxsus iqtisodiy zonalarni rivojlantirishdan iborat. 
Biz birinchi galda ichki resurslar va xorijdagi fuqarolarimiz imkoniyatiga tayanamiz. Shuningdek, Rossiya, Xitoy, Eron kabi do‘stlarimiz, bizga qarshi fitna uyushtirmayotgan ayrim arab davlatlari ko‘magidan umid qilamiz.
Faris ash-Shahobiy, Suriya sanoat palatalari uyushmasi raisi
Batafsil | Подробно | Read more... Daryo