“Sport” telekanali soat 21:00 dan boshlab o‘zbek bokschilari ishtirokidagi JCh finallarini jonli efirda namoyish etadigan bo‘ldi

O‘zbekiston Milliy teleradiokompaniyasining “Sport” telekanali Qatar poytaxti Doha shahrida bo‘lib o‘tayotgan boks bo‘yicha jahon chempionatining o‘zbekistonlik uch bokschi ishtirokidagi final janglarini 14-oktabr kuni soat 21:00 dan boshlab jonli efirda namoyish etadigan bo‘ldi. “Daryo”ning “Sport” telekanalidagi manbasi bergan axborotga ko‘ra, ko‘rsatuvlar jadvaliga bu borada tegishli o‘zgartirish kiritilgan.

Foto: Getty Images

Eslatib o‘tamiz, 56 kilogrammgacha bo‘lgan vazn toifasida o‘zbekistonlik Murodjon Ahmadaliyev jahon chempionati finalida irlandiyalik Maykl Konlanga qarshi, 64 kilogramm vazn toifasida Fazliddin G‘oipnazarov rossiyalik Vitaliy Dunatsevga qarshi, 75 kilogramm vazn toifasida esa Bektemir Meliqo‘ziyev kubalik Arlen Lopesga qarshi ringga ko‘tariladi .
Batafsil | Подробно | Read more... Daryo