O‘zbekiston Qozog‘iston bilan chegara yaqinida maxsus iqtisodiy zonalar tashkil etadi

O‘zbekiston Qozog‘iston bilan chegarasi yaqinida maxsus iqtisodiy zonalar tashkil etadi. Bu haqda O‘zbekiston Savdo-sanoat palatasi raisi Alisher Shayxov ma’lum qildi, deya xabar beradi “Kazinform”.

Foto: “Anons.uz”

Davlatlarimiz o‘rtasida imzolangan 170 ta kelishuv ikki mamlakat hamkorligi rivojlanishi uchun salmoqli huquqiy asos bo‘lib xizmat qiladi. O‘zbekiston va Qozog‘iston hududlarida yangi korxonalarni ishga tushirish uchun ulkan imkoniyatlar mavjud. 
O‘zbekistonda sanoat va erkin iqtisodiy zonalar faoliyat ko‘rsatmoqda, biroq biz yangilarini ochishni rejalashtiryapmiz. Ular chegaralarimiz yaqinida bo‘ladi. Qozog‘iston biznesining jalb etilishi siz va bizni global bozorda yanada raqobatbardosh kuchga aylantiradi.
Alisher Shayxov, Savdo-sanoat palatasi raisi
Alisher Shayxovga ko‘ra, biznes-forum doirasida tashkil etilgan ko‘rgazmada qatnashayotgan 200 dan ortiq kompaniya O‘zbekiston iqtisodiy salohiyatining ma’lum bir qirrasini namoyish etadi, xolos.
Batafsil | Подробно | Read more... Daryo