Xarkovdagi harbiy omborda yuz bergan portlash oqibatida bir ayol halok bo‘ldi

Xarkov viloyatining Balakleya shahrida, yonayotgan harbiy omborlar yaqinidagi uylardan biridan ayol kishining jasadi topildi. Bu haqda Ukraina favqulodda vaziyatlar davlat xizmati rahbari Nikolay Chechyotkin ma’lum qildi, deya xabar beradi “Korrespondent.net”. 

Foto: “Korrespondent.net”

“Aholi turar-joylarini tekshirish davomida uy vayronalari ostidan 1951-yilda tug‘ilgan ayol jasadi topildi. 1962-yilda tavallud topgan yana bir ayol boshidan jarohat oldi va kasalxonaga yotqizildi”, — deya parlamentda hisob berdi Nikolay Chechyotkin.
Xizmat rahbariga ko‘ra, Balakleyada jami 12 ta uy vayron bo‘lgan. Portlash to‘lqini va o‘q-dori bo‘laklari bilan ko‘p qavatli va xususiy uylar, maktab, temir yo‘l stansiyasi, sut zavodi hamda boshqa obyektlar tomi, oynalariga shikast yetdi.  “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo