Toshkentdagi Yoshlar ijod saroyida 24-mart kuni “Mening yurtim — mening faxrim” mavzusidagi xalqaro yoshlar sammitining birinchi ish kuni yakuniga yetdi. Bu haqda sammit tashkiliy qo‘mitasi “Daryo”ga ma’lum qildi.
Foto: Aziza Ahmedova
O‘zbekiston ingliz tili o‘qituvchilari uyushmasi, O‘zbekiston nodavlat notijorat tashkilotlari milliy assotsiatsiyasi hamda qator davlat va jamoat tashkilotlari, mahalliy ishbilarmonlar bilan hamkorlikda ikkinchi marta tashkil etilayotgan ushbu tadbir Yosh yetakchilarni qo‘llab-quvvatlash loyihasining (YLDP) tashabbusidir.
O‘zbekistonda muqobili yo‘q hisoblangan, ishchi tili ingliz tili bo‘lgan mazkur sammit tashkiliy guruhi a’zolari — 100 dan ziyod yosh ko‘ngillilar, O‘zbekiston universitetlarining ilg‘or talabalari, kollej va litseylar o‘quvchilari sakkiz oydan ortiq vaqt davomida tayyorgarlik ko‘rdi.
Mazkur loyiha ijtimoiy faol yoshlar uchun fikr va tajriba almashish maydonchasi yaratib, jamiyat rivojiga xizmat qiladigan yoshlar tashabbuslarini aniqlash, rag‘batlantirish va ularni qo‘llab-quvvatlashni maqsad qilgan.
Mirjalol Mirsabitov, YLDP bosh koordinatori
O‘zbekistonning barcha hududlaridan ikki mingdan ortiq onlayn-arizalar qabul qilgan sammit tashkiliy qo‘mitasi 300 dan ortiq faol yoshlarni quyidagi yo‘nalishlardagi sub-konferensiyalarda qatnashishi uchun saralab olgan:
Yoshlar sog‘liqni saqlash konferensiyasi
Yoshlar muhandislik va IT konferensiyasi
Yoshlar xotin-qizlar konferensiyasi
Yoshlar iqtisodiyot va biznes konferensiyasi
Yoshlar media va chet tillar konferensiyasi
Sammitning birinchi kuni madaniy tadbirlar, yosh dizaynerlarning modalar namoyishi va tashkilotchilarning qutlov so‘zlari o‘rin olgan ochilish marosimi, qatnashchilar uchun jamoani shakllantiruvchi mashg‘ulotlar va O‘zbekistonni yanada rivojlantirish bo‘yicha Harakatlar strategiyasini amalga oshirishda yoshlarning roli mavzusidagi yalpi majlisni o‘z ichiga oldi.
Uch kunlik sammit dasturidan O‘zbekistonning eng yaxshi mutaxassislari tomonidan o‘tkaziladigan ma’ruzalar va o‘quv mashg‘ulotlari, ijtimoiy loyihalar ustida ishlash va taqdimot qilishni ko‘zda tutuvchi o‘ziga xos tanlov o‘rin olgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo
Top News
-
Toshkent shahri havosi yomg‘irdan keyin ifloslanganiga Ekologiya vazirligi izoh berdi.
17 may tongda Toshkent shahri havosi yuqori darajada ifloslanishi yog‘ingarchilikdan keyin hosil bo‘lgan kam miqdordagi tuman, nam havo oqimi kirib...
-
O‘zbekiston va AQSh o‘rtasidagi maxfiy harbiy ma’lumotlar bo‘yicha bitim ma’qullandi.
Qonunda o‘zaro manfaatli ma’lumotlar almashinuvi, beg‘araz harbiy-texnik yordam olish, harbiy texnikalarni to‘g‘ri ekspluatatsiya qilish uchun...
-
Zelenskiy Xarkiv oblastida vaziyat barqarorlashganini ma’lum qildi.
RF qo‘shini so‘nggi hafta davomida frontning mazkur uchastkasida kamida o‘n kilometrga ilgarilagandi..
-
«Haj-2024» mavsumida Uzbekistan Airways 15 mingdan ortiq ziyoratchini Madinaga yetkazadi .
Ziyoratchilarni Saudiya Arabistoniga yetkazish uchun 124 ta charter qatnovini amalga oshirish rejalashtirilgan. .
-
Клопп: "2022 йилги Чемпионлар лигаси финалида Куртуанинг 12 та қўли бор эди"
"Ливерпуль" бош мураббийи Юрген Клопп 2022 йилги Чемпионлар лигаси финал учрашувида жамоаси "Реал"га минимал 0:1 ҳисобида мағлуб бўлганини...
-
Фабрегас: "Гап битта унвон ютишда эмас, уни беш, олти, етти марта ютишда"
Сеск Фабрегас "Арсенал"нинг прогрессив ривожланишидан мамнун.