Iroq armiyasi mamlakatdagi yirik neftni qayta ishlash zavodini IShID jangarilaridan ozod qildi

Iroq hukumat kuchlari Salohiddin provinsiyasidagi Bayji shahrida joylashgan mamlakatdagi yirik neftni qayta ishlash zavodini IShID jangarilaridan ozod qildi. Bu haqda “TASS” xabar bermoqda .

Foto: Sana

Harbiy amaliyotni o‘tkazish qo‘mondonligi shtabi ma’lumotlariga ko‘ra, jangarilar orasida o‘ldirilgan va jarohat olganlar ko‘p, ular Bayji shahridagi marralaridan chekingan. Iroq terrorchilikka qarshi kurash markazining ma’lum qilishicha, janglar chog‘ida IShID yetakchilaridan biri — Iroqda jangovar amaliyotlar o‘tkazish uchun mas’ul bo‘lgan Abu Salmon al-Asqariy ham yo‘q qilingan.
Bag‘doddan 200 kilometr uzoqlikda joylashgan zavod 2014-yil iyun oyida jangarilar tomonidan egallab olingan edi. Uning ishlab chiqarish quvvati kuniga 300 ming barrelni tashkil etadi. Korxona to‘liq kuch bilan ishlaganda mamlakat ehtiyojlarining yarmini qoplagan.
Batafsil | Подробно | Read more... Daryo