Rossiya mashg‘ulot uchun Su-25 shturmchi samolyotlarini Qirg‘izistondan Tojikistonga ko‘chirdi

Qirg‘izistonning Kant aviabazasiga joylashtirilgan Rossiyaning Su-25SM shturmchi samolyotlari hamkorlikdagi aksilterror qo‘mondonlik-shtab mashg‘ulotlarida ishtirok etish uchun Tojikistonga yo‘l oldi. Bu haqda Rossiya Markaziy harbiy okrug matbuot xizmati ma’lum qildi, deya xabar beradi “Gazeta.ru”.

Foto: “TASS”

“Rossiyaning Su-25SM shturmchi samolyotlari Qirg‘izistondagi Kant aviabazasidan ikki davlat birlashgan qo‘shinlar guruhini boshqarish bo‘yicha hamkorlikdagi mashg‘ulotlarda ishtirok etish uchun Tojikistonga yuborildi. Samolyotlar Dushanbedan 30 kilometr uzoqlikdagi Ayniy aerodromida joylashgan aviatsiya guruhiga qo‘shiladi”, — deyiladi matbuot xizmati xabarida.
Mazkur harbiy havo kemalari ekipajlari noqonuniy qurolli tuzilmalarning baza va omborlariga raketa-bomba zarbalari berishni mashq qilishi bildirilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo