Braziliya mundiali yarim finalchisi Gollandiya Rossiyadan qolib ketishga yaqin, Fransiyada esa aksincha

Rossiya—2018 mundiali uchun kurash olib borayotgan Yevropa mamlakatlari saralashning 5-turini davom ettirdi.

Foto: Getty Images

Fransiya terma jamoasi joy olgan “A” guruhida Yevro—2016 finalchisi hisoblangan Fransiyaning o‘zi yetakchilik qilmoqda. Kecha Lyuksemburg maydoniga safar etgan Desham jamoasi 3:1 hisobida muvaffaqiyat qozondi. “Arsenal” hujumchisi Olivye Jiru o‘z nomini tabloga ikki bor yozdirib qo‘ygan bo‘lsa, “Atletiko” forvardi Antuan Grizmann 1 ta gol bilan cheklandi.



Fransiya bilan raqobat olib borishi taxmin qilingan Gollandiya guruhdagi ikkinchi mag‘lubiyatini qabul qilib oldi. Bunga qadar o‘z uyida aynan Fransiyaga imkoniyatni boy bergan (0:1) gollandlar, endi Bolgariyada hech narsa qila olmadi.



Qayd etish kerak, Gollandiya terma jamoasi 2014-yil Braziliyada bo‘lib o‘tgan Jahon chempionatida yarim finalga qadar yetib borgandi.
JCh—2018. Yevropa
“A” guruhi. 5-tur
25-mart, shanba
Shvetsiya — Belarus 4:0
Gollar: Emil Forsberg, 19-pen (1:0). Emil Forsberg, 49 (2:0). Markus Berg, 57 (3:0). Isaak Kize-Telin, 78 (4:0).
Bolgariya — Gollandiya 2:0
Gollar: Spas Delev, 5 (1:0). Spas Delev, 20 (2:0).
Lyuksemburg — Fransiya 1:3
Gollar: Olivye Jiru, 28 (0:1). Orelyen Joashim, 34-pen (1:1). Antuan Grizmann, 37-pen (1:2). Olivye Jiru, 77 (1:3).

Foto: FIFA

Batafsil | Подробно | Read more... Daryo