Namangan viloyati hokimi boshchiligidagi delegatsiya Sverdlovskka jo‘nab ketdi

Viloyat hokimi Xayrullo Bozorov boshchiligidagi Namangan viloyati delegatsiyasi Rossiyaning Sverdlovsk viloyatiga jo‘nab ketdi. Bu haqda “Namnews.uz” xabar bermoqda .

Foto: UzDaily

Sverdlovsk viloyati gubernatori Yevgeniy Kuyvashev bilan muzokaralar chog‘ida savdo-iqtisodiy, investitsiya, to‘qimachilik, qishloq xo‘jaligi, tibbiyot, ta’lim va boshqa sohalardagi aloqalar istiqbollari muhokama qilinishi, ikki viloyat o‘rtasida o‘zaro hamkorlik shartnomasi imzolanishi rejalashtirilgan.
Sverdlovsk viloyati hukumati saytiga ko‘ra, Namangan delegatsiyasining tashrifi O‘zbekistonning Rossiyadagi elchisi Bahrom Ashrafxonov va “O‘zpaxtasanoat” xolding kompaniyasi boshqaruv raisi Akmal Kamolov ishtirokida bo‘lib o‘tadi.
Viloyatda Namangan milliy sanoat ko‘rgazmasi, ikki mamlakat ishbilarmon doiralari ishtirokida biznes-forum o‘tkaziladi.
Delegatsiya a’zolari Pervouralsk quvur zavodi, Ural kardiologiya instituti, Ural davlat pedagogika universiteti faoliyati bilan tanishishi ko‘zda tutilgan. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo