Vanna pardalarini tozalashning 5 usuli

Vannaxona — uydagi eng nam joy bo‘lib, ertami kechmi u yerda kir yig‘iladi va hatto mog‘or ham paydo bo‘ladi.U tashqi ko‘rinishni buzadi, bundan tashqari oiladagilarning nafas olish tizimiga kuchli zarar yetkazadi.

Foto: “Woman.ru”

Bu muammoni qanday hal qilsa bo‘ladi? Avvalambor, vannadagi pardalarni muntazam ravishda yuvish va tozalab turish kerak. Biz buning uchun birinchi navbatda tabiiy vositalardan foydalanishni maslahat beramiz.

Iste’mol sodasi turli xil mikroorganizmlarni tez yo‘qotadi. 100 g sodani 500 ml issiq suvda eriting va bu aralashmani pulverizatorga quying. Cho‘tka yoki mochalka yordamida pardani toza bo‘lguncha ishqalab yuving. Bir oyda ikki marta takrorlang.
Sirka va qarag‘ay efir yog‘i pardani tozalaydi va unga yoqimli hid bag‘ishlaydi. 120 ml sirka va 120 ml suv, 2 osh q. soda, 25 tomchi qarag‘ay efir yog‘i aralashmasi bilan pardani qo‘lda tozalasangiz ham bo‘ladi.
Olma sirkasi va oqartiruvchi vosita vannadagi pardaning dog‘larini oson tozalaydi. Kir yuvish mashinasiga 125 ml olma sirkasi va 60 ml suyuq oqartiruvchi vosita soling. Pardani sovuq suv rejimida yuving, keyin esa quyoshda quriting.
Sut bilan tuz dushdagi oq pardalarni tozalashga yordam beradi. 500 ml sovuq sutni katta idishda shunday miqdordagi suv va 1 osh q. osh tuzi bilan aralashtiring. Bu aralashmada pardani 2 soat davomida ivitib qo‘ying, keyin cho‘tka bilan ishqalang va odatdagidek sovuq suvda chayqang.
Limon sharbati mog‘orni tez ketkazadi va pardaga yorqin rang beradi. Besh dona limonning sharbatini siqib oling, uni 1 litr issiq suv bilan aralashtiring va pardani bu aralashmaga solib qo‘ying. 20 daqiqadan so‘ng oddiy kir yuvish vositasi bilan yuving.

Batafsil | Подробно | Read more... Daryo