Ramzan Qodirov Putin parlamentga taqdim etgan muqaddas kitoblar to‘g‘risidagi qonun loyihasini “tarixiy qaror” deb atadi

Checheniston rahbari Ramzan Qodirov Rossiya prezidenti Vladimir Putin tomonidan Davlat dumasiga muqaddas kitoblarni ekstremistik deb topishni man etish to‘g‘risidagi qonun loyihasi kiritilishini “tarixiy va muhim qaror”, deb atadi. Bu haqda “Gazeta.ru” xabar bermoqda .

Foto: “Gazeta.ru”

“Barcha din vakillari haqida birdek qayg‘uradigan va Rossiyaning ko‘p millatli xalqi qo‘llab-quvvatlayotgan umummilliy yetakchigina shunday qaror qabul qilishi mumkin”, — deya ta’kidlagan Qodirov “VKontakte” ijtimoiy tarmog‘idagi sahifasida.
Rossiya prezidenti Davlat dumasiga Injil, Qur’on va boshqa muqaddas kitoblar mazmun-mohiyati hamda ulardan olingan iqtiboslarni ekstremistik materiallar deb topishni taqiqlovchi qonun loyihasini kiritdi . Mazkur hujjat parlament tomonidan kuzgi sessiya oxiriga qadar ko‘rib chiqilishi mumkin.
Eslatib o‘tamiz, oldinroq Ramzan Qodirov Rossiyada “Injil, Qur’on va Tavrotga teginish taqiqlanadigan” federal qonun qabul qilinishiga ishonch bildirgan edi .
Batafsil | Подробно | Read more... Daryo