Qarshi xalqaro aeroportida O‘zbekistonga behayo mazmundagi lavha va suratlar olib kirilishining oldi olindi

Qarshi xalqaro aeroportida Rossiyadan qaytgan Kitob tumanida yashovchi Sodiqjon Ramazonovning (ism-shariflar o‘zgartirilgan) yuklari bojxona nazoratidan o‘tkazilganda, unga tegishli planshet xotirasida O‘zbekiston Respublikasi hududiga olib kirilishi taqiqlangan 20 dona pornografik mazmundagi videolavha hamda 144 dona fotosurat borligi aniqlandi. Bu haqda “Daryo”ga viloyat bojxona boshqarmasi axborot xizmati ma’lum qildi. 

Foto: Trend

Sodiqjon ushbu planshetni o‘g‘li uchun sovg‘a sifatida olganini aytdi.
Ushbu xalqaro aeroportda parvozini yakunlagan Qarshi shahrida istiqomat qiluvchi Azamat Qurbonovga tegishli uyali telefon xotirasida ham 255 dona pornografik mazmundagi videolavha hamda 135 dona fotosurat borligi ma’lum bo‘ldi. Undan telefon xotirasida aniqlangan lavhalar qayerdan paydo bo‘lganligi so‘ralganda, yaqin do‘sti tomonidan telefon xotirasiga joylashtirilganligini, o‘zining aybi yo‘q ekanligini ma’lum qildi. 
Sodiqjon Ramazonov hamda Azamat Qurbonovlarga nisbatan Qarshi shahar jinoyat ishlari bo‘yicha sudi qarorlari bilan mos ravishda 1 048 425 so‘m hamda 449 325 so‘mdan jarima jazolari tayinlandi.
Daliliy ashyo sifatida olingan planshet va qo‘l telefonlari behayo lavha hamda fotosuratlardan tozalanib, davlat egaligiga o‘tkazildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo