Astana Arlans jamoasi Uzbek Tigers’ga qarshi janglar uchun Toshkentga eng kuchli bokschilarini olib keladi

Butunjahon boks seriyasi (WSB)ning VII mavsum “C” guruhi 5-turida O‘zbekistonning Uzbek Tigers jamoasi 1-aprel kuni Toshkentda Qozog‘istonning Astana Arlans bokschilariga qarshi bahs olib boradi.

Foto: “Sports.uz”

Poytaxtdagi “O‘zbekiston” sport majmuasida o‘tkaziladigan muhim uchrashuvda Uzbek Tigers jamoasi sharafini himoya qiladigan bokschilar haqida ma’lumot berilgandi . “Sports.uz” nashri bo‘lajak janglarda Qozog‘iston sharafini himoya qiladigan bokschilar tarkibini ma’lum qildi .
-49 kilogramm:  Temirtas Jusupov (Osiyo chempioni);
-56 kilogramm:  Ilyos Suleymenov (Osiyo o‘yinlari g‘olibi);
-64 kilogamm:  Dilmurod Mijitov (Qozog‘iston chempionati sovrindori);
-75 kilogramm:  Saparbay Aydarov (Qozog‘iston chempioni);
+91 kilogramm:  Anton Pinchuk (Osiyo chempioni va Osiyo o‘yinlari g‘olibi).

Mavzuga doir: Qatorasiga ikkinchi yirik g‘alabasidan keyin Uzbek Tigers guruhda 2-o‘ringa ko‘tarildi. Astana Arlans hamon yaqqol peshqadam

Eslatib o‘tamiz,  WSB doirasida Uzbek Tigers 2017-yil hisobidan 4 ta jang o‘tkazdi. O‘zbekistonlik bokschilar avvaliga Xitoyda China Dragons’dan 2:3 hisobida yengilgan bo‘lsa , keyin Qozog‘istonda Astana Arlans’ga 1:4 hisobida imkoniyatni boy bergandi . Toshkentda bo‘lib o‘tgan 3-turda Uzbek Tigers Rossiyaning Patriot Boxing Team jamoasini 5:0 hisobida taslim qilishga erishdi . 4-turda esa O‘zbekiston jamoasi China Dragons’ni 5:0 hisobida yutdi va safardagi mag‘lubiyat uchun revansh oldi .

Mavzuga doir:   Yengilmagan Astana Arlans muddatidan avval pley-offda. Uzbek Tigers’ning imkoniyati qanday?

“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo