Tojikistondagi o‘quv mashg‘ulotlarida Tu-95MS srtategik raketa tashuvchisi “jangari”lar lagerini yo‘q qildi

Tojikistondagi o‘quv mashg‘ulotlari davomida Tu-22M3 bombardimonchi samolyotlari va Tu-95MS strategik raketa tashuvchisi shartli jangarilar lagerini yo‘q qildi. Bu haqda 30-mart, payshanba kuni Rossiya Markaziy harbiy okrugi matbuot xizmati ma’lum qildi, deb yozadi “TASS”.

Foto: “RIA Novosti”

O‘quv mashg‘ulotlari uydirmasiga ko‘ra, bir guruh terrorchilar bir nechta binoni egallab olib, ulardan birida qo‘mondonlik punktini tashkil etdi. Mashg‘ulotlarda ishtirok etgan bo‘linmalar jangarilarni u yerdan quvib chiqarib, “dushman”ning shartli lageri joylashgan tog‘li hududga chekinishga majbur qildi.
“Birlashgan qo‘shinlar guruhi qo‘mondonligi tomonidan lager va o‘q-dorilar omborini yo‘q qilish uchun Tu-95MS raketa tashuvchilari va Tu-22M3 strategik bombardimonchi samolyotlarini qo‘llash to‘g‘risidagi qaror qabul qilindi. Chekinayotgan dushman kuchlarini yo‘q qilishda Tojikiston Respublikasi batalyon taktik guruhiga Su-25 hujumchi samolyotlari va Mi-24 vertolyotlari ko‘mak berdi”, — deyiladi matbuot xizmati xabarida.
Eslatib o‘tamiz, 27—30-mart kunlari Rossiya va Tojikiston mudofaa vazirliklari o‘rtasidagi hamkorlik rejasiga asosan, birlashgan qo‘shinlar guruhini boshqarish bo‘yicha birgalikdagi qo‘mondonlik-shtab o‘quv mashg‘uloti o‘tkazilmoqda .
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo