AQShda o‘quvchi qiz sinfdoshlarini otib tashlamoqchi bo‘ldi. Uning kundaligini o‘qigan otasi ommaviy qotillikning oldini oldi

AQShning Merilend shtati Tarmont shahrida yashovchi 18 yoshli maktab o‘quvchisi Nikol Sevario 2016-yil dekabr oyidan buyon “Katoktin” maktabida ommaviy qotillikni amalga oshirishga tayyorlanib kelgan. U miltiq va patron sotib olgan. Maktab chizmasini, qo‘riqchilar ish tartibini puxta o‘rgangan, hujum rejasini batafsil tuzgan. Bu haqda Meduza ma’lum qildi .

Foto: Forum Daily

Qizning rejasini uning kundaligini o‘qigan otasi bilib qolgan va politsiyaga xabar bergan. O‘quvchi butun rejasini o‘z kundaligida batafsil yozib borgan. U hujumni 5-aprelda amalga oshirishni rejalashtirgan. Bundan tashqari, u portlovchi vositalar tayyorlash uchun ham kerakli jihozlar sotib olgan.

Foto: Forum Daily

Nikol 23-martda politsiya tomonidan hibsga olingan. Uning qotillikka tayyorlanishiga nima sabab bo‘lgani hozircha noma’lum. Nikol 25 yilgacha ozodlikdan mahrum qilinishi mumkin.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo