Shamollash va grippga qarshi tabiiy vositalar

Sal mazamiz bo‘lmay qolsa, darrov hamma joyda reklama qilinayotgan dori-darmonlar esimizga tushib qoladi. Lekin bularsiz ham uzoq o‘tmishdagi bobo va buvilarimiz ahvolni yaxshilash va kasallikni tezroq yengishni yaxshi bilishgan. Xalq tabobatidan bir necha retseptlar keltiramiz.

Foto: “Xitrosti jizni”

Tomoq og‘rig‘ida  va shilliq qavat yallig‘lanishida yengillashtirishga yordam beradi:

olma sirkasi eritmasi bilan chayqash (bir piyola iliq suvga 1 osh qoshiq sirka);
qizilmiya ildizi – yuqori nafas yo‘llari shamollashida qo‘llaniladigan xalq tabobatining an’anaviy vositalaridan biri. Bir piyola qaynoq suvga 10-15 g quritilgan ildiz maydasidan soling va bir kunda 1 osh qoshiqdan 3-5 marta iching;
zanjabilli choy damlang: bir desert qoshiq maydalangan zanjabilni bir piyola issiq suvga soling; 1 osh qoshiq asal va ta’bga ko‘ra limon sharbati qo‘shing; kun davomida bir necha marta iching;
kartoshka bug‘ida ingalyatsiya qilish ahvolni ancha yengillashtiradi; bir necha dona kartoshkani kamroq suvda qaynating va bug‘ tashqariga chiqib ketmasligi uchun sochiq bilan o‘ranib undan nafas oling;
bir necha tomchi yalpiz, qalampir va archa efir yog‘lari solingan aromatik lampa ham nafas olishni yengillashtiradi.

Shamollash kasalliklari immunitet kuchsizligidan darak beradi. Uni mustahkamlashning eng yaxshi tabiiy vositalari – sarimsoq va piyoz. Ularni xom holida ko‘proq yeyishga harakat qiling.
Tezroq tuzalish uchun ko‘proq uxlash va yaxshi ovqatlanishga harakat qiling, ayniqsa C vitaminiga boy bo‘lgan sitrusli mevalar va tovuq sho‘rvasi foydalidir.
Manba: “Xitrosti jizni”
Batafsil | Подробно | Read more... Daryo