Ramzan Qodirov “Terrorizmga qarshilik va jasorat uchun” mukofoti bilan taqdirlandi

Checheniston prezidenti Ramzan Qodirov “Terrorizmga qarshilik va jasorat uchun” mukofoti bilan taqdirlandi. Bu haqda u “VKontakte” ijtimoiy tarmog‘idagi sahifasi orqali ma’lum qilgan, deya xabar beradi “Gazeta.ru”.

Foto: “Dni.ru”

“Fransiyaning siyosat va xalqaro ishlar markazi prezidenti Fabian Baussart mehmonim bo‘ldi. U menga markaz rahbariyati qaroriga ko‘ra taqdim etiladigan “Terrorizmga qarshilik va jasorat uchun” mukofotini topshirdi. Amerika yoki ayrim Yevropa davlatlari poytaxtlarida nima deyishayotganini bilmayman, biroq fransuz markazi terrorchilikka qarshi kurashimizni “a’lo”ga baholadi”, — deya ta’kidlagan Qodirov.
Eslatib o‘tamiz, oldinroq Ramzan Qodirov IShID safiga qo‘shilgan chechenistonliklarning aksariyati yo‘q qilingani to‘g‘risida xabar bergan edi .
Batafsil | Подробно | Read more... Daryo