Arzon planshet tanlaymiz

Ushbu yo‘riqnomada arzon, ammo sifatli planshet tanlash haqida gapiramiz.

Foto: “Ichip.ru”

Ekran
Birinchidan, ekran o‘lchamini aniqlashtirib oling. Siz 7 dyuymli portativ planshet istaysizmi yoki kattaroq qurilmanimi? Sizga aynan qaysinisi mos kelishini biz bilmaymiz, biroq umuman olganda, planshetni doim o‘zingiz bilan olib yurmoqchi bo‘lsangiz, 7—8 dyuymlisini, uyda foydalanmoqchi bo‘lsangiz, 9—10 dyuymlisini tanlaganingiz ma’qul.
Xotira
Arzon planshetning xotirasi katta bo‘lishiga umid qilmang, biroq siz tanlagan qurilmada qo‘shimcha xotira uchun microSD sloti bo‘lsa — yaxshi.
Minimum sifatida 16 Gb xotirani tanlang: 8 Gb ichki xotira, qo‘shimcha xotira kartasini o‘rnatish imkoni bo‘lmasa, ishingizni g‘oyatda cheklaydi, uning yarmi (yoki undan ham ko‘prog‘i) operatsion tizim va oldindan o‘rnatilgan dasturlar bilan band bo‘ladi.
Kameralar
Ko‘pchilik planshetlarning kameralari (arzon planshetlarni qo‘ya turing) smartfonlar kameralariga qaraganda ancha oddiy bo‘ladi. Arzon planshetda chiroyli surat yoki videolar tushirishga umid qilmang. Ammo bu siz uchun muhim bo‘lsa, planshetlar xususiyatlarini o‘rganib, nisbatan yaxshiroq kamerasi bo‘lganlarini tanlang.
Protsessor
GGs raqamlari va hatto tezkor xotiraga ham diqqat qaratmang. Mobil protsessorlarning xilma-xilligi hatto tajribali foydalanuvchilarni ham chalg‘itadi, shu tufayli siz mahsuldorlikni GGsga asoslanib baholamang. Eng yaxshisi — real foydalanuvchilarning fikrlarini o‘qing.
Dasturiy ta’minot
Siz bilishingiz kerak bo‘lgan so‘nggi narsa — bozordagi arzon planshetlarning deyarli hammasiga Android operatsion tizimi o‘rnatilgan bo‘ladi. U foydalanish juda oson bo‘lgan va iOS’dan qolishmaydigan tizim.
Bugungi kunda Google Play do‘koni bo‘lmagan qurilmani uchratish juda qiyin, ammo baribir tekshirib ko‘ring, chunki planshet sotib olganingizdan keyin u Google tomonidan tasdiqlanmaganini va Google dasturlarini yuklab ololmasligingizni o‘rganish — juda ko‘ngilsiz holat.
Manba: “Howtablet.ru”
Batafsil | Подробно | Read more... Daryo