Muvaffaqiyatli kishilar rioya qiladigan 4 qoida

Ko‘pchiligimizning tanishlarimiz ichida dunyodagi hamma narsaga — kun bo‘yi ishlash, muvaffaqiyatli ravishda blog yuritish, sayohat qilish, sport zaliga borish va hatto mazali taom tayyorlashga ham vaqt topadiganlar uchraydi. Hammasiga ulgurishni xohlaysizmi? Muvaffaqiyatli odamlardan o‘rganing.

Foto: Shutterstock

Chalg‘imang
Nima bilan shug‘ullansangiz ham, ishni oxirigacha yetkazing. Aktyorlar, jamoatchilar va tadbirkorlar uchun trening olib boruvchi Josh Peys har gal boshqa ishlarga chalg‘ib ketganingizda aynan “Men shu yerdaman!” deb baqirishni maslahat beradi.
Ko‘pvazifalilikning oldini oling
Elektron manzil, Instagram, Facebook — bular siz loyihani tugatishga urinar ekansiz, kompyuteringizda ochiq turgan vkladkalarning bir nechtasi xolos.
Ko‘pvazifalilik anchadan beri oddiy holga aylanib qolgan, lekin odam miyasi bir vaqtning o‘zida bir nechta jarayonlarni olib borishga qodir emas. Ko‘pvazifalilik rejimida ishlashda siz diqqatingizni bir joyga to‘play olmaysiz va xatoga yo‘l qo‘yasiz, demak bu ishga ko‘proq vaqtingiz ketadi.
Hamkasblaringiz bilan tanaffus qilishni unuting
Tasavvur qiling: siz loyiha ustida ishlayapsiz, hamkasbingiz kelib sizdan o‘zining taqdimoti uchun maslahat so‘raydi. Siz rozi bo‘lasiz va unga bir-ikkita maslahat berasiz.
Bunga bor-yo‘g‘i 1—2 daqiqa vaqtingiz ketgan bo‘lsa ham, aslini olganda yana fikringizni jamlab ishga kirishib ketguningizcha sizga o‘rta hisobda 20 daqiqa vaqt kerak bo‘ladi.
Salbiy hissiyotlardan qutuling
Muvaffaqiyatli kishilar o‘zlarining hissiyotlarini nazorat qiladi: tanglikni yo‘qotishda trenirovka yoki yoga mashqlari har doim yordam beradi. O‘zingizga mos keladigan reja tuzing — bajarganingizdan keyin o‘zingizni yengil va erkin his qiladigan mashg‘ulot o‘ylab toping.
Manba: “Glamour.ru”
Batafsil | Подробно | Read more... Daryo