Toshkent davlat agrar universiteti olimlari tomonidan yangi kuzgi va bahorgi no‘xat navlari yaratildi

Toshkent davlat agrar universiteti “Inovatsiya va integratsiya markazi”da Toshkent davlat agrar universiteti va Guliston davlat universitetida olimlari Хalima Atabayeva, G.Mirsharipova va B.Jumaxanovlar tomonidan yangi “Malxotra” va “Halima” no‘xat navlari yaratildi. Bu haqda Toshkent davlat agrar universiteti “Daryo”ga ma’lum qildi.

Foto: Toshkent davlat agrar universiteti

“Malxotra” no‘xat navi — O‘simlik butasimon, yig‘iq shaklda, balandligi poyasi yarimshtamp, to‘g‘ri tugallangan, yashil, qalin tukli. Qo‘ltiq osti gullari yakka-yakka, yirik, oq. Dukkagi rombsimon, o‘tkir uchli, tukli. Doni burchoqsimon, g‘adir-budir, sarg‘ish-pushti. Bir tupda o‘rtacha 80—86 dukkaktagacha hosil qiladi. 1000 ta donning vazni 377,0 gramm. Kechpishar, amal davri 108—111 kun. Yotib qolish, to‘kilish, qurg‘oqchilik va dukkak yorilishiga bardoshli, mexanizatsiya bilan yig‘ishga yaxshi moslashgan, biologik kuzgi nav. Don tarkibidagi oqsil miqdori 24,3 %, moy miqdori 5,0—6,5 % ni tashkil etadi. Pishish darajasi 30 daqiqa, sifati bo‘yicha qimmatbaho no‘xat navlari guruhiga kiradi. Gektaridan 29—40 sentnergacha hosil olinadi.
“Halima” no‘xat navi — O‘simlik butasimon shaklda, balandligi 64 sm, poyasi shtamp, to‘g‘ri tugallangan, yashil, tukli. Qo‘ltiq osti gullari yakka-yakka, yirik, oq. Dukkagi rombsimon, uchli, tukli. Doni burchoqsimon, g‘adir-budir, sarg‘ish-pushti. Bir tupda o‘rtacha 70—77 tagacha dukkak hosil kiladi. 1000 ta donning vazni 403,0 gramm. Kechpishar, amal davri 111—113 kun. Yotib qolish, to‘kilish, qurg‘oqchilik va dukkak yorilishiga bardoshli, mexanizatsiya bilan yig‘ishga yaxshi moslashgan, biologik bahorgi nav. Don tarkibidagi oqsil miqdori 19,5—20 %, moy 5,5 % ni tashkil etadi. Pishish darajasi 30 daqiqa, sifati bo‘yicha qimmatbaho no‘xat navlari guruhiga kiradi. Gektaridan 25—30 sentnergacha hosil olinadi.
Batafsil | Подробно | Read more... Daryo