Toshkentdagi xalqaro yarmarkada 700 ming tonna paxta tolasini sotish bo‘yicha shartnomalar imzolandi

Islom Karimov tashabbusi bilan 15—16-oktabr kunlari Toshkent shahrida XI Xalqaro O‘zbekiston paxta va to‘qimachilik yarmarkasi tashkil qilindi, deya xabar bermoqda O‘zA.

Foto: O‘zA

Yarmarkada 700 ming tonna O‘zbekiston paxta tolasini sotib olish, mamlakatda ishlab chiqarilgan to‘qimachilik mahsulotlarini yetkazib berish bo‘yicha 800 million AQSh dollaridan ziyod miqdordagi shartnomalar imzolandi.
Bu galgi Xalqaro O‘zbekiston paxta va to‘qimachilik yarmarkasiga ham jahon paxta va to‘qimachilik bozorining yetakchi vakillari istiqboldagi masalalarni muhokama etish hamda o‘zaro manfaatli shartnomalar tuzish uchun tashrif buyurdi. Joriy yilda unda qirqdan ortiq davlatdan 1000 dan ziyod firma va kompaniya mutaxassislari ishtirok etdi.
Ular O‘zbekiston va dunyoda paxta tolasi ishlab chiqarish, savdo va investitsion hamkorlikni kengaytirish kabi paxta sanoatiga taalluqli ko‘plab masalalarni muhokama qilib, o‘zaro manfaatli shartnomalar tuzdi.
Yarmarka doirasida o‘tkazilgan konferensiyada O‘zbekiston dunyoda paxta yetishtirish bo‘yicha oltinchi, eksport qilish bo‘yicha beshinchi o‘rinda turishi ta’kidlandi.
Batafsil | Подробно | Read more... Daryo