FQB rossiyalik xakerlarni Dow Jones serverlariga buzib kirishda gumon qilmoqda

AQSh Federal qidiruv byurosi, Maxfiy xizmat va qimmatli qog‘ozlar bo‘yicha komissiya Dow Jones kompaniyasi serverlari buzilishi yuzasidan surishtiruv boshladi. Meduza’ning xabar berishicha , AQSh huquqni muhofaza qilish organlari serverlarga uyushtirilgan hujumlar ortida rossiyalik xakerlar turibdi, deb hisoblamoqda.

Foto: Reuters

Bloomberg agentligining qayd etishicha, tekshiruv ishlari bir yildan beri olib borilmoqda. Xakerlar hali amalga oshirilmagan savdolar haqidagi insayderlar ma’lumotlarini qo‘lga kiritish maqsadida serverlarga hujum qilgan. Huquqbuzarlar mazkur axborotdan g‘arazli maqsadlarda foydalanganmi-yo‘qmi, hozircha aniq emas.
Oktabr oyining boshida Dow Jones kompaniya tizimlariga buzib kirilgani va 3,5 mingga yaqin mijozning ma’lumotlari o‘g‘irlanganini ma’lum qilgandi. FQBning joriy tergovi aynan shu ish bilan bog‘liqmi-yo‘qmi, noma’lum.
Dow Jones Rupert Merdokning News Corp. korporatsiyasiga tegishli. Kompaniya mashhur The Wall Street Journal gazetasini chop etadi, shuningdek, o‘z obunachilariga moliyaviy yangiliklarni yetkazib beradi.
Batafsil | Подробно | Read more... Daryo