Chevrolet Shanxay avtosaloniga adaptiv krossover bilan tashrif buyurdi

Shanxay avtosalonida ishlab chiqaruvchi tomonidan ko‘p funksiyali konseptual sport avtomobili sifatida ta’riflangan Chevrolet FNR-X prototipi namoyish etildi. Bu haqda Motor nashri xabar bermoqda .

Foto: Motor

Prototip nomidagi dastlabki uch harf Find New Road — “yangi yo‘llarni qidir” deya izohlanadi; marka oxirgi yillarda aynan shu slogandan reklama maqsadlarida foydalanib kelmoqda. X belgisi mashinaning barcha yo‘llarga mosligin ko‘rsatadi. Bunda mashinaning har bir tizimi konkret harakat shartlariga moslasha oladi.

Foto: Motor

Krossoverning o‘ziga xosliklaridan biri uning faol aerodinamikasidir. Uning qator qismlari elektronika tomonidan boshqariladi. Harakat rejimlarining har birida tizim eng kichik aerodinamik qarshilikka erishadi, bu bilan yoqilg‘i sarfini yaxshilaydi.

Foto: Motor

Prototip quvvatlantiriluvchi gibrid kuch qurilmasi bilan ta’minlangan, lekin Chevrolet uning tavsifini keltirmayapti. U ikki rejimda ishlashi ma’lum: oddiy (Versatility, adaptiv) va sport rejimlari.

Foto: Motor

Bundan tashqari, prototip yo‘llardan tashqarida ham ishlaydigan, murakkab yo‘l sharoitlarida ham yo‘nalish tanlaydigan avtopilotga, shuningdek, qo‘shimcha reallik tasvirini 270 daraja qamrov bilan ko‘rsata oladigan proyeksion displeyga ega.

Foto: Motor


Foto: Motor

Batafsil | Подробно | Read more... Daryo