Yangi Zelandiyada qozoq elchisi xaka raqsi va burun urishtirish bilan kutib olindi

Qozog‘istonning Singapur va Yangi Zelandiyadagi elchisi Usen Sulaymon Yangi Zelandiya general-gubernatori Petsi Reddiga ishonch yorliqlarini topshirdi. Bu haqda “Interfaks” xabar berdi .

Foto: “Nurkz”

Rasmiy taqdimotda Yangi Zelandiyaning maori qabilasi madaniy guruhi ishtirokida an’anaviy marosim bo‘lib o‘tdi. Bunda Qozog‘iston elchisi xongi an’anaviy salomlashishi va xaka marosim raqsi orqali kutib olindi.
Xaka — maori qabilasining marosim raqsi bo‘lib, unda ijrochi oyoqlari bilan yer tepinib, o‘zining son va ko‘kraklarini urib, jo‘rlikda baqirib o‘yinga tushadi.
Xongi — an’anaviy salomlashish usuli, to‘g‘ridan-to‘g‘ri “hayot nafasi bilan almashish” deya tarjima qilinadi. Bunda maorilik burnini suhbatdoshining burniga tekkizadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo