Usenet konferensiyasi doirasida yuqori tezlikdagi mobil internet rivoji bo‘yicha davra suhbati bo‘lib o‘tadi

Usenet 2017 konferensiyasi doirasida 25-aprel, seshanba kuni, “2017—2021-yillarda yuqori tezlikdagi mobil internet rivoji. 3G’ni kengaytirish, 4G’ni kiritish va 5G’ga o‘tish” mavzusida davra suhbati bo‘lib o‘tadi.

Muhokama qilinadigan masalalar qatoridan LTE tarmog‘ini O‘zbekistonning barcha katta shaharlarida kengaytirish — muddatlar, texnologiyalar, investitsiyalar. M2M-yechimining bozor hajmi, “Internet narsalar” rivoji kabi masalalar o‘rin oladi. Bundan tashqari, Harakatlar strategiyasi doirasida yuqori tezlikdagi internetni tartibga solish masalalari ham muhokama qilinadi.
Tadbirda O‘zbekiston axborot texnologiyalari va kommunikatsiyalarni rivojlantirish vaziri o‘rinbosari Umidjon A’lamov, Unitel bosh direktori Dmitriy Shukov, Uzmobile direktori Vladimir Kravchenko ishtirok etadi.
Konferensiya tashkilotchisi — Ledokol Group agentligi, tadbir Axborot texnologiyalari va kommunikatsiyalarni rivojlantirish vazirligi, “Elektron hukumat” tizimini rivojlantirish markazi va UZINFOCOM markazi ko‘magida o‘tkaziladi. Bosh homiy — Beeline Uzbekistan. Konferensiya homiylari: Click mobil banking tizimi va “Odnoklassniki” ijtimoiy tarmog‘i. Bosh axborot homiysi — “Yandeks”.
Tadbirda ishtirok etish bepul. Kirish taklifnoma asosida. Tadbirda ishtirok etish uchun konferensiya saytida ro‘yxatdan o‘tish kerak. Tadbir International Hotel Tashkent mehmonxonasida bo‘lib o‘tadi.
Reklama huquqi asosida
Batafsil | Подробно | Read more... Daryo