Buxoroda 10 juft kelin-kuyovga nikoh uzuklari, sarpolar va mebellar to‘plami sovg‘a qilindi

21-aprel kuni Buxoro shahridagi “Parizod” to‘yxonasi davrasiga karnay-surnay sadolari ostida birin-ketin 10 juft kelin-kuyov kirib keldi, deb xabar beradi O‘zA.

Foto: O‘zA

Yangi oila qurayotgan yigit-qizlarning ota-onalari, qarindoshlari, mahalla faollari, faxriylar, jamoatchilik vakillari va yoshlar ishtirok etgan nikoh to‘yida har bir tumanning o‘ziga xos xususiyatlari hisobga olingan holda ishlab chiqilgan tadbirlar dasturi davraga o‘zgacha shukuh bag‘ishladi.

Foto: O‘zA

Kelin-kuyovlarga nikoh uzuklari, bayramona milliy libos hamda sarpolar sovg‘a qilindi, tantanali ravishda nikoh guvohnomalari, zamonaviy yotoqxona mebellari to‘plami topshirildi.

Foto: O‘zA

Nikoh to‘ylari arafasida kelin-kuyovlarning ish bilan ta’minlangan yo ta’minlanmagani o‘rganilib, ishsizlari tegishli tartibda ishga joylashtirildi. Tantanali marosimda ularga mehnat daftarchalari ham topshirildi.

Foto: O‘zA

O‘zbekiston Kasaba uyushmalari federatsiyasi tomonidan tashkil etilgan mazkur xayriya tadbirida Buxoro viloyati hokimi O‘ktam Barnoyev so‘zga chiqdi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Batafsil | Подробно | Read more... Daryo