Bilimlar bilan ayirboshlash servisi — Quora 85 mln dollar jalb qildi

Bilimlar bilan ayirboshlash uchun mo‘ljallangan Quora servisi 85 million dollar mablag‘ni jalb qildi, deya xabar bermoqda “VC.ru” kompaniya asoschisi va rahbari Adam d’Anjeloga tayanib. Uning so‘zlariga ko‘ra, pul xalqaro ekspansiya (ta’sir doirasini kengaytirish) va reklama biznesini rivojlantirishga sarflanadi.

Foto: “Smallbiztrends.com”

“D” seriyasidagi raundda Quora’ning asosiy investorlari Y Combinator Continuity va Collaborative Fund jamg‘armalari bo‘ldi. Bundan tashqari, bitimda kompaniyaning avvalgi investorlari ham ishtirok etdi, bular — Tiger Global, Matrix Partners jamg‘armalari va Facebook hamasoschisi Dastin Moskovits. 2014-yilda ular Quora’ga 80 million dollar kiritgandi.
Fortune ma’lumotlariga ko‘ra, o‘shanda Quora 900 million dollarga baholangan, uch yil ichida esa bu raqam, Venture Beat kompaniyadagi manbasiga tayanib xabar qilishicha, “deyarli ikki marta ko‘paygan”.
D’Anjeloning aytishicha, servis rahbariyati hozircha IPO o‘tkazmoqchi emas: “Bizning uzoq muddatli maqsadimiz — mustaqil kompaniya bo‘lib qolish. Vaqt o‘tishi bilan biz, balki ochiq kompaniyaga aylanarmiz, ammo hozircha reklama biznesi asosida barqaror biznes-model yaratishni va pul mablag‘lari oqib kelishiga erishishni istaymiz”.
Batafsil | Подробно | Read more... Daryo