2015 йилнинг 24—26 август кунлари Ўзбекистондаги Британия Кенгаши ваколатхонаси, Ўзбекистон Республикаси олий ва ўрта махсус таълими вазирлиги ҳамда Ўзбекистон давлат жаҳон тиллари университети ҳамкорлигида «Давлат таълим стандартларини амалиётга татбиқ этиш» мавзусида интенсив тренинг ўтказилди. Бу ҳақда Британия Кенгаши «Дарё»га маълум қилди.
Фото: Британия Кенгаши ваколатхонаси
Янги ўқув йили бўсағасида ўтказилаётган тренингда «Бўлажак инглиз тили ўқитувчиларини тайёрлаш учун янги ўқув дастури» лойиҳа иштирокчилари йиғилиб, янги ўқув йили олдидан аниқ вазифаларни ва уларни ҳаётга татбиқ этиш масалаларини муҳокама қилди. Тренингда қуйидаги масалалар кўриб чиқилди: маданиятлараро мулоқот компетенциясини ривожлантириш модули, инглиз тили халқаро тил сифатида, тил кўникмаларини ривожлантириш модули, оғзаки ва ёзма нутқ, ўқиш ва эшитиш кўникмаларини баҳолаш.
Ушбу дастур республикада таълим соҳасида олиб борилаётган, жумладан инглиз тилини ўқитиш тизимини такомиллаштиришга йўналтирилган кенг қамровли ислоҳотлар доирасида амалга оширилиб, соҳадаги кадрлар, яъни ўқитувчи ва мураббийлар малакасини доимий равишда оширишга қаратилган. Тренингда мамлакатнинг 18 та олий ўқув юртларидан келган 200 дан зиёд инглиз тили ўқитувчилари ишитирок этиб, улар 2013 йилдан бошлаб янги, жаҳон стандартларига мос ўқув дастури бўйича бўлажак инглиз тили муаллимларини тайёрламоқда. Янги ўқув дастури Ўзбекистон Республикаси олий ва ўрта махсус таълими вазирлиги ҳамда Британиянинг Норич тил таълими институти томонидан ишлаб чиқилган.
Ушбу лойиҳа 34 минг ўқитувчи ва 6,5 миллион талабага инглиз тили таълими жараёнида ижобий таъсир кўрсатади. Тренинг давомида жаҳон талабларига жавоб берувчи ўқув материалларини тузиш, сифатли баҳолаш тизимини амалга татбиқ этиш, ўқитувчи ва мураббийларни доимий равишда малакасини ошириш ҳамда талабаларни мустақил ишлашини тўғри рағбатлантириш каби масалаларга бағишланган амалий машғулотлар бўлиб ўтади.
Эслатиб ўтамиз, таълим соҳасидаги Ўзбекистон—Британия ҳамкорлиги 1996 йили Британия Кенгашининг Тошкентдаги ваколатхонаси очилиши ва икки мамлакат ҳукуматлари ўртасида ҳамкорлик Меморандуми имзоланган вақтдан бошланган бўлиб, ўтган 19 йиллик муваффақиятли фаолиятни ўз ичига олади.
Batafsil | Подробно | Read more... Daryo
Related News
Top News
-
Samarqandda haydovchidan pora so‘ragan YPX xodimlari ishdan bo‘shatildi.
Ularning rahbarlariga nisbatan intizomiy ta’sir choralari qo‘llangan..
-
O‘zbekiston energetika balansida qayta tiklanuvchi energiya quvvatlari ulushini 40 foizga yetkazmoqchi.
Mamlakat 2030 yilgacha 20 gigavattdan ortiq qayta tiklanuvchi energiya quvvatlarini yaratish va energetika balansida uning ulushini 40 foizga...
-
Toshkentda qum-shag‘al qazib olayotgan 9 kishiga 230 mln so‘m jarima belgilandi.
Toshkent shahrida qum-shag‘al qazib olayotgan 9 nafar fuqaro 230 million so‘m to‘laydigan bo‘ldi. Bu haqda Ekologiya vazirligi xabar berdi. .
-
Мбаппе "Боруссия" стадионида қолиб кетди
"ПСЖ" ҳужумчиси Килиан Мбаппе Дортмунднинг "Боруссия" клуби стадионида қолишга мажбур бўлди.
-
Xitoy AQShning yangi sanksiyalarini «noqonuniy» deb atadi.
AQShning Kremlga qarshi joriy qilgan yangi sanksiyalar paketiga Xitoy va Hongkongda ro‘yxatdan o‘tgan 20 ta kompaniya ham kiritilgan..
-
Toshkentda sovuq qutili aravalarda sotilayotgan muzqaymoqlar bo‘yicha reyd o‘tkazildi.
Sanepidqo‘m Toshkent shahar boshqarmasi ko‘chalarda g‘ildirakli aravalarda muzqaymoqlar sotilishida sanitariya talablariga rioya etilishi holati...